Տպել
Արամի փողոց, 80 հասցեում գտնվող այս շենքը, որը կառուցվել էր 1900-ականների սկզբին, հայտնի է որպես «Մկրտիչ Մկրտչյանցի բնակելի տուն» անվամբ:
Մաշտոցի պողոտայի, Սարյանի, Բյուզանդի և Արամի փողոցների ուղղանկյունը տարիներ առաջ հայտնի էր նրանով, որ այստեղ պահպանվել էին 19-րդ դարի և 20-րդ դարասկզբի շենքեր՝ իրենց հին երևանյան անկրկնելի բակային կոլորիտով:
Այժմ այդ բոլոր շինությունները քադված են, տեղում միատիպի բարձրահարկեր են խոյացել և Մկրտիչ Մկրտչյանցի բնակելի տունը միակն է, որ Հին Երևանից այստեղ հրաշքով կանգուն է մնացել, և նաև մի կառուցապատող ներս ընկած հատվածում պահպանել է սև տուֆից հին շենքի ֆասադը՝ ընդամենը դա: Երևանյան այս նորակառույցների հատվածը ժողովուրդը հասցրել է արդեն անվանակոչել «Հոնկոնգ»՝ բառացիորեն իրար կպած անդեմ «երկնաքերերի» առկայության պատճառով:
Դե ինչ՝ ահա Երևան քաղաքի այսպիսի «հարուստ» պատմություն ենք մենք թողնում ապագա սերունդներին:
