Տպել
Այսօր՝ նոյեմբերի 11-ին, մահվան ելքով վրաերթ է տեղի ունեցել Երևանում։ Ժամը 07։50-ի սահմաններում Երևանի բնակիչ՝ 22-ամյա Նարեկ Մամիկոնյանը Կոմիտասի պողոտայում՝ «Մոլորակ» սրճարանի դիմաց, իր վարած Cadillac մակնիշի ավտոմեքենայով վրաերթի է ենթարկել փողոցը չթույլատրելի հատվածով անցնող հետիոտն՝ 69-ամյա Արփինե Հովհաննիսյանին։
Ինչպես դեպքի վայրից հայտնում է ֆոտոլրագրող Գագիկ Շամշյանը, վրաերթի ենթարկվածը տեղում մահացել է։ Վարորդը փախուստի չի դիմել, ահազանգել է շտապօգնություն, սակայն օպերատիվորեն ժամանած բժիշկների հերթապահ խումբն արձանագրել է հետիոտնի մահը։ Վարորդն այնուհետև ահազանգել է Երևանի ճանապարհային ոստիկանության օպերատիվ կառավարման կենտրոն։
Դեպքի վայր են ժամանել ՃՈ 1-ին սպայական գումարտակի 1-ին դասակի ծառայողները՝ Երևանի ՃՈ պետ Վահան Էվինյանի, ավագ տեսուչ Արտակ Սարգսյանի գլխավորությամբ։ Դեպքի մասին Երևանի ՃՈ օպերառիվ կառավարման կենտրոնի պատասխանատու հերթապահ Կարեն Հովակիմյանը տեղեկությունը փոխանցել է Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին, որտեղից ժամանել է քննչական խումբը՝ հատկապես կարևոր գործերով ավագ քննիչ Արթուր Գասոյանի գլխավորությամբ։
Փաստի առթիվ Ա. Գասոյանի որոշմամբ հարուցվել է քրեական գործ՝ ՀՀ քր. օր-ի 242 հոդվածի 2-րդ մասի հատկանիշներով։ Քննիչի հանձնարարականով ավտոմեքենան քարշակով տեղափոխվեց Երևանի ՃՈ պահպանվող հատուկ տարածք։ Վարորդը ՃՈ 1-ին սպայական գումարտակի 1-ին դասակի տեսուչներ Հրաչյա Գևորգյանի և Ռաֆայել Հունանյանի ուղեկցությամբ ավտոմեքենայի հետ տեղափոխվեց քննչական բաժին։ Վարորդը ենթարկվել է սթափության է փորձաքննության. պարզվել է, որ նա եղել է սթափ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
