Տպել
Ընկերությունը կավելացնի գրիչի աջակցությունը Galaxy S և Galaxy Z մոդելներին:
Ajunews կորեական հրատարակությունը, վկայակոչելով Samsung-ի ներկայացուցչին, հաղորդել է, որ ընկերությունն իսկապես հրաժարվում է Galaxy Note սմարթֆոնների առանձին շարքից, որի հիմնական առանձնահատկությունը S Pen ստիլուսն էր (սմարթֆոնը կառավարող գրիչ):
Թվում է, որ Samsung-ը իմաստ չի տեսնում թողարկել ստիլուսի աջակցությամբ առանձին ֆլագմաներ, ուստի S Pen-ի աջակցությունը կհայտնվի «սովորական» սմարթֆոնների որոշ մոդելներում. առաջինը կլինի Galaxy S21 Ultra-ն: Միևնույն ժամանակ, փաստ չէ, որ ստիլուսը ներկառուցվի կորպուսի մեջ, այն կարող է մատակարարվել առանձին՝ որպես լրացուցիչ լրասարք:
Սակայն գրիչի աջակցությունն ավելի կարևոր կլինի Galaxy Z Fold 3 ծալվող սմարթֆոնի պլանշետի համար, որը կներկայացվի 2021 թվականի հունիսին. սա հաստատեց նաև Samsung-ի ներկայացուցիչը: Ավելի մեծ էկրանը S Pen-ով գրառումներ կատարելու և նկարելու ավելի շատ տարբերակներ կունենա:
Ընկերությունը ստիպված էր զգալիորեն վերափոխել ճկուն էկրանը, բայց, ըստ խոսնակի, նրանց հաջողվեց իրականացնել ստիլուսային աջակցություն:
Թե ինչ կլինի հաջորդ Galaxy Note շարքի հետ, անհայտ է: Ըստ շրջանառվող լուրերի, ընկերությունը պատրաստվում է այս տարվա առաջատար ֆլագմաների ավելի էժան տարբերակին, որը կկոչվի Galaxy Note20 FE: Միգուցե դա կլինի վերջին սմարթֆոնը Note ապրանքանիշի ներքո:
Սիրարփի Աղաբաբյան
