Տպել
Ռուսական խաղաղապահ զորախմբի հրամանատար, գեներալ-լեյտենանտ Ռուստամ Մուրադովի հայտարարությունը հրապարակվել է ՌԴ ՊՆ կայքում, ըստ որի հայտնում է, որ Ռուսաստանի, Ադրբեջանի եւ Հայաստանի ղեկավարների 2020 թվականի նոյեմբերի 9-ի եռակողմ հայտարարության իրականացման նպատակով իրականացվել է գերիների հերթական փոխանակումը։
«Ռուս խաղաղապահների՝ իմ անձնական հսկողության ներքո կատարած աշխատանքի արդյունքում Բաքու է տեղափոխվել գերության մեջ գտնվող մեկ ադրբեջանցի, իսկ Բաքվից հինգ հայ վերադարձել է Երևան։ Ռուս խաղաղապահները հետագայում էլ կնպաստեն եռակողմ համաձայնագրի կատարմանը»,- հայտարարել է Մուրադովը։ Հիշեցնենք, որ երեկ հրապարակվեց նաև հայրենիք վերադարձացած հինգ տղաների անունները.
1. Ալոյան Սամվել Թաթուլի
2. Գալստյան Արայիկ Հրաչյայի
3. Իսրայելյան Հովհաննես Գևորգի
4. Մանուկյան Կարեն Արայիկի
5. Մովսիսյան Վահրամ Արայիկի
