Տպել
Հրապարակելով այս լուսանկարը, պատմաբան ռուբեն Շուխյանը հիշեցնում է. «Օրեր առաջ տեղեկացանք, որ 19-րդ դարի երկրորդ կեսի և 20-րդ դարի սկզբի հայ նավթարդյունաբերող, ազգային բարերար Միքայել Արամյանցի դղյակ-ամառանոցը, որը գտնվում է Ախթալայում և ներկայումս անմխիթար վիճակում է, ընդգրկվել է Հայաստանի պատմության և մշակույթի անշարժ հուշարձանների պետական ցուցակում:
Այդ առիթով հիշեցնենք, որ 1900-ականների սկզբին այս ամառանոցի տարածքում է կառուցվել Հայաստանում առաջին մեծ թենիսի համար նախատեսված խաղահրապարակը՝ կորտը: Այնպես որ, կարծում եմ, նպատակահարմար կլիներ վերականգնել նաև այդ կորտը, և գուցե հետագայում անցկացնել այստեղ Միքայել Արամյանցի հիշատակին նվիրված մեծ թենիսի մրցումներ»:
