«Հիմա դուք իսկապե՞ս մտածում եք, որ Ռուսաստանը պիտի «կողմ» քվեարկեր 1/3-ով հակառուսական փաթեթի քննարկմա՞նը». Նինա Մարգարյան

Հիմա դուք իսկապե՞ս մտածում եք, որ Ռուսաստանը պիտի «կողմ» քվեարկեր 1/3-ով հակառուսական փաթեթի քննարկմա՞նը։ Այսինքն, ձեզ չի՞ նյարդայնացնում, որ մեր ռազմագերիների հարցը նույն հարթակում են դրել ինչ-որ ավանտյուրիստի հարցի հետ, ձեզ նյարդայնացնում է, որ Ռուսաստանն իր դեմ փաթեթի քննարկմանը «դեմ է» քվեարկել։

Իսկ գուցե մենք նույնպե՞ս սկսենք «դեմ» քվեարկել մեր պետության դեմ արվող քայլերի, այլ ոչ թե մեղադրենք այլ երկրներին, որ սեփական երկրի շահերն են պաշտպանում (ի դեպ, Ռուսաստանն էլ նույն ոգով կարող է հայտարարել, որ Հայաստանը «կողմ է» քվեարկել հակառուսական փաթեթին)։

Հ.Գ. Հա, ի դեպ, հարցերը քննարկելով չեն լուծվում, այլ լուռ աշխատելով։ Ու քանի դեռ ոմանք պրովոկացիոն քննարկումներ են անցկացնում ամենաբարձր ամբիոններում, ուրիշները լուռ աշխատում են հարցը լուծելու ուղղությամբ։