Մի օր ուղղակի մամուլից կիմանանք, որ ականապատման քարտեզները վերադարձվել են Ադրբեջանին, իսկ պայմանավորվածության բուն բովանդակությունն, ինչպես միշտ, գաղտնի կմնա. Աննա Կարապետյան

Աննա Կարապետյանի էջից.

Այսօր Լավրովից իմացանք, որ արվել են առաջին նախնական քայլերն Ադրբեջանին ականապատման քարտեզների վերադարձման հարցում և որ հայկական կողմն ունի այդ հարցի լուծման անհրաժեշտության գիտակցումը:

Եթե թարգմանենք դիվանագիտական լեզվից՝ հայկական կողմն առնվազն ընդունել է այդ քարտեզների առկայության փաստն ու պատրաստ է քննարկել դրանց վերադարձի պայմանները:

Առաջանում է մի քանի տրամաբանական հարց.

– ինչու՞ մենք պետք է հերթական անգամ այլ երկրի ներկայացուցչից իմանանք այդ մասին,

– ինչու՞ հայկական կողմն այս ողջ ընթացքում որևէ կերպ հրապարակային մեկնաբանություն չէր տալիս այս հարցի առնչությամբ,

– ինչի՞ դիմաց ու ինչու՞ հենց հիմա “սայլը տեղից շարժվեց”:

“Ամենաթափանցիկ” կառավարությունն իր մոտեցումները չի փոխում՝ մի օր ուղղակի մամուլից կիմանանք, որ քարտեզները վերադարձվել են, իսկ պայմանավորվածության բուն բովանդակությունն, ինչպես միշտ, գաղտնի կմնա:

Հ.Գ. Այս գաղտնի գործարքները միայն հարվածներ են հասցնում մեր ազգային ու պետական շահերին, և ծառայում են բացառապես Փաշինյանի նեղ անձնական, ներքաղաքական խնդիրների լուծմանը: Այդ պատճառով էլ #antinikol

Նյութի աղբյուր՝ https://www.facebook.com/anna.karapetyan.967/posts/10208239856470007