Տպել
Ազգային անվտանգության ծառայությունը հերքում է տեղեկությունը, թե Արմավիրի հատվածից հայ-թուրքական սահմանը անցել են այլազգի մի խումբ անձինք և ԱԱԾ ու ռուս խաղաղապահներն իրականացնում են նրանց որոնողական աշխատանքները: Տեղեկությունը հայտնում է «Արմենպրեսը»։
«Ազգային անվտանգության ծառայության մամուլի կենտրոնից ասացին, որ նշված տեղեկությունները չեն համապատասխանում իրականությանը»,–գրում է լրատվամիջոցը:
Այսօր լրատվամիջոցներում տեղեկություն էր տարածվել, որ Թուրքիայի սահմանից ՀՀ սահման են անցել այլազգի մի խումբ անձինք, ինչը բացահայտել են ՀՀ ԱԱԾ-ն, ռուս խաղաղապահները և կոնկրետ քայլեր են իրականացվում այդ ուղղությամբ:
