Տպել
Երկիրը խայտառակ վիճակում է, բայց Հայաստանին դավաճան վիժվածքը պարտադրեց արտահերթ ընտրույթյուններ: Այո, այստեղ կա միացյալ ընդդիմության մեղքը, որը ցավոք, միացյալ չգտնվեց այդ կուտը քննարկելու հարցում: Այս մասին Facebook-ի իր էջում գրել է ՀՀԿ փոխնախագահ Արմեն Աշոտյանը:
Նա, մասնավորապես, նշել է. «Եվ այսօր տեղի է ունենում այն, ինչի մասին զգուշացնում էի. այս վիճակում Հայաստանում ընտրույթուններ չէր կարելի անցկացնել: Սրա ղեկավարման օրոք ընտրությունների գնալ չէր կարելի:
Ավաղ, ունենք այն, ինչ ունենք:
Կարևորագույն հարցը. արդյո՞ք մենք կհասցնենք դուրս շպրտել շնագայլաբարո կապիտուլյանտին մինչև երկրի վերջնական կործանումը, թե ոչ:
Սիրելի ժողովուրդ,
Այս իրավիճակում գոնե պահպանենք տարրական շնորհքը, պարկեշտությունն ու պատիվը: Իրար հետ ճանապարհ անցնելուց հետո ընտրությունների պատրվակով մեզ կրկին փորձում են պառակտել:
Մոլեռանդորեն և ամեն գնով մի՛ տրվեք ընտրական տենդին: Մի՛ մոռացեք, որ մի քանի տարի կամ ամիս առաջ բոլոր իրական ընդդիմադիրներով միասին էինք, կողք կողքի: Մի՛ հատեք տարրական արժանապատվության սահմանները:
Ընդդիմադիր և ոչ մի ուժ միայնակ, ցավոք, հաղթել չի կարող: Տեղ թողեք կրկին միասնական լինելու համար:
Հունիսի 20-ից հետո գալու է հունիսի 21-ը ու էլի բազում օրեր:
Այսօրվա մանր-մունր ժուլիկությունները կարող են թողնել անհարթելի, թարմ կնճիռներ ու դառը հետնահամ:
Չմոռանանք մեր գլխավոր նպատակի մասին.
Հայաստան՝ առանց Նիկոլ: Հայաստան՝ Նիկոլից հետո:
Պատիվ ունեմ»:
