Տպել
Երևանի Սարյան փողոցի թիվ 44 շենքի բնակարաններից մեկում տեղի է ունեցել ինքնահրկիզման փորձ, որը կանխվել է տեղի ուժերով։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։
Դեպքը տեղի է ունեցել այսօր`ժամը 12։55-ին։ Ահազանգը ստանալուն պես դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, մեկ ավտոսանդուղք և Հոգեբանական աջակցության բաժնի հերթապահ հոգեբանը:
«Մինչ փրկարարների կանչի վայր հասնելը, քաղաքացին տարբեր աստիճանի այրվածքներով հոսպիտալացվել է»,–նշված է հաղորդագրության մեջ։
Դեպքի վայրում գտնվող՝ հարկադիր կատարումն ապահովող ծառայության տեսուչը և Կենտրոն ոստիկանության բաժնի աշխատակիցը, փորձելով օգնություն ցուցաբերել ինքնահրկիզվողին, ստացել են տարբեր աստիճանի մարմնական այրվածքներ և հոսպիտալացվել ԲԿ։
