![](https://blog.168.am/wp-content/uploads/2021/06/image_750x_60d45841eea8b.jpg)
Արցախի «Արդարություն» կուսակցության համանախագահ Հակոբ Հակոբյանը ֆեյսբուքյան իր էջում գրել է.
«Նիկոլը և Արայիկը երկիրը տարան պատերազմի, նրանք թշնամուն հանձնեցին Արցախի 75 տոկոսը, նրանք ջնջեցին մեր փառահեղ հաղթանակները, նրանք զոհեցին 5000 հայորդիներ, նրանք լիել – չլինելու առջև կանգնեցրին Հայաստանը և Արցախը։
Սակայն ամեն բան կորած չէ:
Ներկայիս իրավիճակը կարելի է փոխել, եթե ունենանք բացառիկ կրթությամբ, գիտելիքներով ու փորձով ղեկավարներ, կանխատեսելի ու արդյունավետ դիվանագիտություն: Պետք է գիտակցել, որ իրավունքի իրացումը չեն նվիրում: Իրավունքի իրացման համար պետք է պայքարել: Երկրում ընտրություններ անցկացնելը նույնպես իրավունքի իրացում է, որից ոչ մի դեպքում չպետք է հրաժարվել՝ իսկ հետաձգելը արդեն իսկ նշանակում է հրաժարվել: Արցախի պարտված իշխանություններն անհասկանալի և անհիմն հետաձգեցին ՏԻՄ ընտրությունները, հիմա էլ մեծ արշավ են սկսել համապետական ընտրությունները հետաձգելու հարցում, մոռանալով, որ պետության սահմանադրական ինստիտուտների պահպանման հիմքը ընտրություններն են: Չես կարողանում իրացնել ընտրական իրավունքդ՝ վտանգված են քո պետական ինստիտուտները»: