Տպել
Թերեզա Մխիթարյանի ֆեյսբուքյան էջից.
«Ինձ մի բան բացատրեք խնդրում եմ․ նիկոլական Հայաստանում բազմաթիվ հանցագործներ, մարդասպաններ, գողեր ազատության մեջ են մինչ ընթանում է նրանց դատավարությունը, կամ դուրս են եկել գրավի դիմաց, կամ այդպիսի որոշում է կայացվել։ Հիմա ինչպե՞ս կարող է մարդասպանը հանգիստ լինել ազատության մեջ, իսկ պրոֆեսոր Չարչյանը կալանավորվի այն բանի համար, որ կոչ է արել աշխատակիցներին գնալ ընտրության։
Հիշեցնեմ, որ Պրոֆեսոր Չարչյանը մասնակցել է բոլոր երեք պատերազմներին, եղել է առաջնագծում, փրկել հազարավոր կյանքեր։ Վերջին Արցախյան պատերազմի ժամանակ նա 44 օր ո՛չ ուտում էր, ո՛չ խմում, զօր ու գիշեր փրկում էր մեր պաշտպաններին։ Պրոֆեսորը Հայրենիքի առաջ ունի բազմաթիվ վաստակներ, նա անթիվ–անհամար բարի գործեր է արել Հայրենիքի համար։
Ինչպես կարելի է մարդասպանին ազատության մեջ թողնել , իսկ պրոֆեսորին ՝ ոչ:
ԻՆՉՊԻՍԻ՞ ՎՏԱՆԳ Է ԻՐԵՆԻՑ ՆԵՐԿԱՅԱՑՆՈՒՄ ՊՐՈՖԵՍՈՐ ՉԱՐՉՅԱՆԸ ՀԱՅԱՍՏԱՆԻ ՀԱՍԱՐԱԿՈՒԹՅԱՆ ՀԱՄԱՐ։ Ինչպիսի՞։ Ինչու՞ և ինչի՞ համար են նրան ձերբակալել։
Ավելին, նրան ձերբակալել են չնայած նրան, որ իրենց ասվել է, որ պրոֆեսորը վերջերս սրտի վիրահատության է ենթարկվել։ Նա ունի շաքարային դիաբետ և առողջական այլ խնդիրներ։ Նրա վիճակը վատացել է և վերջինիս տեղափոխել են վերակենդանացման բաժանմունք։
Կարո՞ղ եք պատկերացնել, որ անգամ հսկայական գրավի դիմաց հրաժարվել են ազատ արձակել պրոֆեսորին։
Հիմա գլխավորը՝ խախտել է օրենքը, թե ոչ՝ կորոշի դատարանը։
Աշխատակիցների կողմից որևէ բողոք չի եղել, բոլոր մեղադրանքները հիմնվում են Բաղրամյան 26 տելեգրամյան ալիքի անանուն բողոքների վրա։
Այսինքն, այս պահին խոսքը գնում է ընդամենը քննության ընթացքում պրոֆեսորի խափանման միջոցը փոխելու և կալանքից ազատելու մասին, երբ նա կարող էր բազմաթիվ հիվանդների բուժել և կյանքեր փրկել։
Ինչպե՞ս կարող է այդպես լինել։ Որտե՞ղ եք տեսել այդպիսի ժողովրդավարություն։ Միայն թուրքիայի գործակալ Նիկոլի սուլթանական Հայաստանում»:
