Տպել
Հրապարակներից մեկն էի մուտք գործում: ՃՈ մեքենայից իմ մեքենայի պետ.համարանիշները և կանգնելու հրահանգ լսեցի: Կանգնեցի, ՃՈ տեսուչը մոտեցավ.
– Բարև Ձեզ, կապիտան Արամյան: Խնդրում եմ ներկայացրեք փաստաթղթերը:
– Ողջույն: Իսկ ի՞նչ խախտում եմ կատարել (փաստաթղթերը մեկնելով հարցրեցի):
– Այս հրապարակ մուտք գործելիս պետք է զիջեք շրջանաձև երթևեկող մեքենային: Դուք չզիջեցիք:
– Տես է՛… Նիկոլն առաց որևէ մեկին զիջելու ապօրինի մուտք գործեց ռադիոտան շենք և Դուք ոչինչ չասեցիք: Ես ընդամենը մի հրապարակ եմ մտել առանց զիջելու անմիջապես տուգանում եք:
ՃՈ սպան զննող հայացքով նայեց դեմքիս:
– Բայց Դուք ամրագոտին էլ չեք ամրակապել: Չեք պահպանել անվտանգության կանոնները:
– Տես է՛… Նիկոլն Արցախի ամբողջ երկինքը բաց վիճակում, առանց անվտանգության կանոնների պահպանման հազարավոր մարդկանց ուղարկեց պատերազ, իսկ ես ընդամենը ամրագոտին չեմ ամրակապել և անմիջապես տուգանում եք:
– Ես ճանաչեցի Ձեզ, պարոն Բաբայան: Անփորձանք լինեք, բարի ճանապարհ (վերադարձնելով փաստաթղթերս):
– Շնորհակալ եմ, պարոն կապիտան:
Արսեն Բաբայանի ֆեյսբուքյան էջից
