Տեսչության աշխատակիցները անտառաբվին հայտնաբերել են Դիլիջանի բնակչի տանը

ՀՀ բնապահպանության և ընդերքի տեսչական մարմինն արձագանքել է սոցիալական ցանցում հրապարակված ահազանգին։ Տեսչական մարմնի հաղորդագրության համաձայն` ֆեյսբուքյան օգտատեր Սամվել Պիպոյանն օրերս իր էջում հայտնել է, որ Դիլիջան քաղաքում բնակչի ձեռքին անտառաբու է եղել։

Բնապահպանության և ընդերքի տեսչական մարմնի աշխատակիցները ահազանգի հետքերով այցելել են Դիլիջան քաղաք, անտառային թռչնին բռնած քաղաքացի Հ.Մ.-ի բնակարան, որտեղ հայտնաբերել են թռչնին։

Տեսուչների բացատրական աշխատանքների արդյունքում բուն տեղափոխվել է հարակից անտառային տարածք։

Բնապահպանության և ընդերքի տեսչական մարմինը Facebook-ի պաշտոնական էջում հրապարակել է թռչնին բնության գիրկը վերադարձնելու տեսանյութը։

Անտառաբուն բվերի ընտանիքի քիչ տարածված, հազվագյուտ թռչուն է։

Հայաստանում հանդիպում է հյուսիսային մարզերի անտառապատ տարածքներում։