Տպել
ABBA խումբը 39 տարվա ընդմիջումից հետո կներկայացնի նոր երգեր։ Թողարկումը նախատեսված է սեպտեմբերի 2-ին, գրում է The Sun-ը։
Նշվում է, որ շվեդական լեգենդար խումբը նոր կայք է գործարկել, իսկ Twitter-ում հրապարակել է շապիկը, հայտնում է պարբերականը:
Join us at https://t.co/AAFQLIrqJu #ABBAVoyage pic.twitter.com/7LYw3kojzB
— ABBA Voyage (@ABBAVoyage) August 26, 2021
ABBA-ն հայտնի խումը երաժշտության ողջ պատմության մեջ ամենահաջողակ կոլեկտիվներից մեկն է։ Շվեդական խումբը կազմավորվել է 1972թ․-ին: Ինը տարի անց նախագիծը փլուզվել է, սակայն երաժիշտները կարողացել են կոլեկտիվը դարձնել շոու-բիզնեսի պատմության մեջ ամենահայտնին եւ ստեղծել հիթեր, որոնց թվում են Mamma Mia, Happy New Year, Dancing queen, Waterloo, Chiquitita եւ ուրիշներ:
ABBA-ի կազմում ընդգրկված էին Ագնետա Ֆելտսկոգը, Բյորն Ուլվեուսը, Բեննի Անդերսոնը, Աննի-Ֆրիդ Լինգստադը: Խմբի անունը ստեղծվել է անդամների անունների առաջին տառերից։
