Հայաստանում սկսել է գործել Հռոմի Սուրբ Աթոռի պապական նվիրակության գրասենյակը

2021թ.-ի սեպտեմբերի 1-ից Երևանում սկսել է գործել Կաթողիկե եկեղեցու Հռոմի Սուրբ Աթոռի պապական նվիրակության գրասենյակը: Այս մասին տեղեկացնում է Հայաստանում պապական նվիրակ Տ. Ժոզե արքեպիսկոպոս Բեթանկուրը:

Գրասենյակը Երևանի կենտրոնում է՝ Հյուսիսային պողոտայում՝ Օպերայի և բալետի ազգային ակադեմիական թատրոնի և Հանրապետության հրապարակի միջև: Այժմ դեսպանատանը պատրաստվում են գրասենյակի հանդիսավոր բացման արարողությանը:

Տ. Ժոզե արքեպիսկոպոս Բեթանկուրը Հայաստանում և Վրաստանում Պապական նվիրակն է, բայց մինչև այս նրա նստավայրը միայն Թբիլիսիում էր։