Տպել
Բաբկեն Հարությունյանի ֆեյսբուքյան էջից.
«ՄԻՊ Արման Թաթոյանի կողմից օրեր առաջ ներկայացված հայ ռազմագերիների դեմ իրականացվող ադրբեջանական անմարդկային հանցագործությունները այսօր ԱԺ նախագահ Սիմոնյան Ալենը անվանեց հնարած տեսարաններ։
Պատկերացնու՞մ եք ՀՀ ՄԻՊ-ը, ի լուր աշխարհի, հայտարարում է, թե ադրբեջանցիները կտրել են հայ զինվորների ականջները, կապել եւ քարշ տվել մեքենայից, թքել սնուննդի մեջ և ստիպելով կերցրել, ջուր չեն տվել և բազմաթիվ այլ ծանր հալածանքներ, իսկ ՀՀ ԱԺ նախագահը ՄԻՊ ներկայացրածը համարում է հնարած տեսարաններ։ Ալենը գոնե հասկանու՞մ է, որ վաղը Ադրբեջանը, հղում անելով ՀՀ ԱԺ նախագահին, հերքելու է ՀՀ ՄԻՊ հայտարարությունները, հասկանու՞մ է, որ միջազգային կառույցները իր ներքաղաքական շահերից ելած հայտարարության պատճառով` կասկածի տակ են դնելու ՄԻՊ բոլոր զեկույցները։ Վերջապես, Ալենը գոնե հասկանու՞մ է, որ թշնամին շարունակելու է հայ ռազմագերիներին կտտանքների ենթարկել, և քանի դեռ իրենց իշխանությունը չի կարողանում գերիներին վերադարձնել` գոնե չխանգարի գերիների վերադարձման, և ոչ միայն գերիների վերադարձման, հարցերով միակ արդյունավետ կառույցի` ՄԻՊ աշխատանքներին։
Հ.Գ. Որքան էլ իր քաղաքական շահերից չբխի` ԱԺ նախագահի պաշտոնը զբաղեցնողը պետք է «հնարած տեսարաններ» արտահայտությունը, ի լուր միջազգային կառույցների, որևէ կերպ «պարզաբանի» և հաստատի ՄԻՊ հայտարարությունը»։
