Լրատվամիջոցները պատմել են արքայազն Ուիլյամի եւ Քեյթ Միդթլոնի հարաբերություններում ճգնաժամային շրջանի մասին

Արքայազն Ուիլյամը եւ Քեյթ Միդլթոնն ամուսնությունից մի քանի տարի առաջ հարաբերություններում լուրջ խնդիրներ են ունեցել եւ նույնիսկ որոշ ժամանակով բաժանվել են, բրիտանական Express-ին պատմել է փորձագետ Քեթի Նիքոլը։

Բաժանման պատճառ է դարձել այն, որ Ուիլյամը բանակում ծառայության է վերադարձել։ «Կարծում եմ՝ Քեյթը նրան բարդ դրության մեջ է դրել։ Կարծում եմ՝ նա ինչ-որ այլ պարտականություններ էր ցանկանում։ Ուիլյամը ջանասիրաբար աշխատում էր բանակում, շատ զբաղված էր։ Նրանց համար միասին ժամանակ անցկացնելն ավելի ու ավելի էր բարդանում»,- պատմել է փորձագետը։

Սակայն դադարից հետո Քեմբրիջի դուքսերը վերամիավորվել են, իսկ 2011թ.-ի ապրիլի 29-ին ամուսնացել, եւ դա, առանց չափազանցության, դարձել է դարի հարսանիքը։ Այս ընթացքում լույս աշխարհ են եկել զույգի երեք երեխաները՝ Ջորջը, Շարլոտան եւ Լուին։

news.am