Տպել
ԵՊԲՀ ռեկտոր Արմեն Մուրադյանը գրել է.
«Բժշկական համայնքը կրկին ցավալի կորուստ ունի …
Խորը ցավով տեղեկացա, որ կյանքից հեռացել է պրոֆեսոր Էդուարդ Սեկոյանը:
Անվանի մասնագետը «Հայաստանի կլիման և բուժ-առողջարարական ռեսուրսները» ատլասի պատասխանատու համախմբագիրն էր, 200-ից ավել գիտական աշխատանքի, բազմաթիվ գյուտերի, ուսումնա-մեթոդական ձեռնարկների հեղինակ:
ԵՊԲՀ շրջանավարտը հետաքրքիր մասնագիտական ուղի էր անցել՝ օրինակ ծառայելով ապագա բժիշկների համար:
Պրոֆեսորադասախոսական կազմի և ուսանողների անունից ցավակցում եմ Էդուարդ Սեկոյանի ընտանիքի անդամներին, հարազատներին և ընկերներին:
…նենգ հիվանդությունը կրկին հաղթեց…»։
