«Եթե Ադրբեջանի հետ ունես Արցախի խնդիր, ինչպե՞ս ես գնում դելիմիտացիայի և դեմարկացիայի». Արմեն Աշոտյան

Արմեն Աշոտյանի ֆեյսբուքյան էջից.

«Դելիմիտացիան ու դեմարկացիան լավ բան են, բայց պետությունները դրան հասնում են, երբ որ խորքային բոլոր խնդիրները լուծվել են:

Եթե Ադրբեջանի հետ ունես Արցախի խնդիր, ինչպե՞ս ես գնում դելիմիտացիայի և դեմարկացիայի:

Դելիմիտացիան ճիշտ բան է, բայց այս դեպքում ես ունեմ 3 «ՈՉ»-երի սկզբունք

1. Ո՛չ քո օրոք, Նիկոլ, որովհետև դու ունակ չես ՀՀ շահը հետապնդել միջազգային հարթակներում, ունակ չես ներկայացնել մեր ազգային շահը, Ալիևին հանդիպելուց չես կարողանում բանակցել:
2. Ո՛չ հիմա, Նիկոլ, երբ Ադրբեջանը մեզ ստիպում է, որ ուժային սպառնալիքով գնանք այդ պրոցեսին, այսինքն՝ վատով են մեզ ստիպում, իսկ այս խեղճ ու թույլ վիճակում չի կարելի գնալ նման պրոցեսի:
3. Ո՛չ առանձին վերցված, Նիկոլ։

Եթե դու աշխարհին պատրաստ ես տալ այն, ինչ ուզում են, առանց ստանալու ինչ քեզ է պետք, ինչպե՞ս ես լուծելու հետո Արցախի հարցը»։