«19-0. մեկնաբանություններում ադրբեջանա-թուրքական օգտատերերի կողմից ծաղրուծանակի հրավառություն է սկսվել». Մովսես Հարությունյան
Advertisement 1000 x 90

«19-0. մեկնաբանություններում ադրբեջանա-թուրքական օգտատերերի կողմից ծաղրուծանակի հրավառություն է սկսվել». Մովսես Հարությունյան

Մովսես Հարությունյանի ֆեյսբուքյան էջից.

«Ռուսական սպորտային էջերն ակտիվորեն տարածում են Բելգիա-Հայաստան կանանց ֆուտբոլային խաղի` 19-0 հաշիվը, ու մեկնաբանություններում ադրբեջանա-թուրքական օգտատերերի կողմից ծաղրուծանակի հրավառություն է սկսվել Հայաստանի ու հայերի հասցեին։

Իհարկե, հասկանում ենք, որ սպորտ է ու ամեն ինչ պատահում է, բայց կներեք` մեր կանանց հավաքականի հետ միշտ է դա պատահում։ ՀՖՖ-ն պիտի լրջորեն խորհի հաջորդ խաղերից առաջ, քանի որ, այո՜, նման արդյունքները մեծ վնաս են հասցնում մեր երկրի հեղինակությանը։ Եթե իրոք հասկանում են, որ թույլ ու անպատրաստ է հավաքականի վիճակը` թող հրաժարվեն մյուս խաղերից ու տեխնիկական պարտություն գրանցվի մեր օգտին։ Կամ էլ թող չխնայեն միջոցներ ու հավաքական հրավիրեն լեգեոներների, որոնք պատրաստ են գալ ու խաղալ հավաքականում (չեմ մանրանում, բայց տիրապետում եմ հավելյալ ինֆորմացիայի)։

Հավելեմ, որ 2 օրից` նոյեմբերի 30-ին, Նորվեգիայի հավաքականի դեմ ենք խաղալու, որը մի քանի անգամ ուժեղ է Բելգիայի ընտրանուց»։