Տպել
Տեր Ղազար քահանա Պետրոսյանի հնարավոր կարգալուծության վերաբերյալ հարց մայր Աթոռը չի քննարկում: Այս մասին ArmLur.am-ի հետ զրույցում ասաց Մայր Աթոռի տեղեկատվական համակարգի տնօրեն Տեր Եսայի քահան Արթենյանը:
Հիշեցնենք, որ այսօր լրատվականներից մեկը գրել էր, թե քաղաքական հայացքների համար Եկեղեցին քննարկելու է տեր Ղազարին կարգալույծ անելու հարցը:
«Որևէ եկեղեցական Եկեղեցու ընդհանուր դիրքորոշումների շրջանակներում ազատ է արտահայտել իր համոզմումներն ու տեսակետները հասարակական-քաղաքական տարբեր երևույթների և իրադարձությունների մասին:
Միաժամանակ, սակայն, եկեղեցականը չի կարող իրականացնել քաղաքական-կուսակցական գործունեություն, հիմնել կուսակցություն, անդամակցել վերջինիս և զբաղվել զուտ քաղաքական-կուսակցական գաղափարների քարոզչությամբ ու տարածմամբ:
Հիշյալ հարցերի վերաբերյալ Արժանապատիվ Տ․ Ղազար քահանա Պետրոսյանի հետ քանիցս զրույցներ ու քննարկումներ եղել են, տրվել են բանավոր և գրավոր զգուշացումներ ու նկատողություններ իր վարքագծի և օգտագործած բառապաշարի առնչությամբ»,- ի հավելում Մայր Աթոռի տեղեկատվական համակարգի տրամադրած մեկնաբանության՝ տեղեկացնում են Եկեղեցու Մասյացոտն թեմից:
