Փարիսեցիների խմբակները շարունակում են Մամիջանյանի «ոսկորները հաշվել». Մելիքյան

Փարիսեցիների խմբակները շարունակում են Մամիջանյանի ու նրան հրապարակավ աջակցած մարդկանց «ոսկորները հաշվել»՝ ԵԽԽՎ խայտառակ բանաձևին դեմ քվեարկելու ու այդ քվեարկությունը ողջունելու համար։ Այս մասին ֆեյսբուքյան իր էջում գրել է իրավապաշտպան Ռուբեն Մելիքյանը։

«Այս առումով, անհրաժեշտ եմ համարում մի քանի լրացուցիչ բան ասել։

Նախ, զեկույցը ՀՀ «ժողովրդավարության» մասին է։ Դրա 99%-ը ստեր են Հայաստանի իբր ժողովրդավարական ձեռքբերումների մասին։
Երկրորդ, զեկույցում մեր գերիներին վերաբերող դրույթը ընդամենը ՎԵՐԱՀԱՍՏԱՏՈՒՄ Է վաղորոք ընդունված ԵԽԽՎ հայտարարությունները։ Նոր բան չի ասում։

Երրորդ, ա՛յ փարիսեցինե՛ր, ա՛յ «իժերի ծնունդնե՛ր» (Մատթեոս 3:7), եթե էդքան մտածում եք գերիների մասին, ձեն հանեք՝ վերադարձած գերիներին կալանավորելու խայտառակ պրակտիկայի դեմ։

Նրանցից երեքը իմ վստահորդներն են, ու օրինակ երկուշաբթի ժամը 14:30-ին նրանցից մեկի կալանքի դատն է։ Կգա՞ք Աջափնյակի դատարանի առջև, կպահանջե՞ք ադրբեջանում կտտանքների ենթարկված գերիներին ազատ արձակել Հայաստանում։ Թե՞ մենակ ֆեյսբուքներում եք մեծ-մեծ փրթում»,-գրել է նա։