Տարիներն անցնում են, բայց չեմ հաղթահարում. ով է հերոս Մենուա Հովհաննիսյանի գեղեցկուհի կինը

Armlady.am-ն այս անգամ անդրադարձել է Արցախյան պատերազմի հերոս Մենուա Հովհաննիսյանի կնոջը՝ Թամարա Կոստանդյանին:

Մենուան ու Թամարան հետաքրքիր սիրո պատմություն են ունեցել, որի մասին պատմել է հերոսի կինը:

«Մենուան ինձ փախցրել է՝ առանց ճանաչելու, առանց շփվելու։ Ընդամենը 2 անգամ է ինձ աշխատավայրում տեսել, հավանել է, ընկերների հետ եկել ու փախցրել, անմիջապես մայրիկի տուն է տարել:

Մայրն էլ եկավ, ինձ տեսավ ու ասաց՝ «դե որ բերել է՝ բերել է, էլ չենք տանում: Հետագայում, երբ հարցնում էի՝ բայց ինչի՞ փախցրեցիր, ասում էր՝ բա թոռներիս պատմելու բան չունենա՞մ… Ինքն իմ լավագույն ընկերն էր, մենք ընկերներ էինք»:

Զույգը 2 երեխա ունի՝ Սարդուրն ու Արինան:

Ի դեպ, երեխաների անունները հենց Մենուան է ընտրել:

Թամարան հաճախ է ֆեյսբուքյան իր էջում հուզիչ գրառումներ անում ամուսնու մասին:

«Տարիներն անցնում են… շատ փորձություններ ենք հաղթահարել միասին… բայց էս մեկը… վերջինը… չի ավարտվում Մեն…

Օր օրի ավելի է խորանում, օր օրի անդունդն եմ գնում… չի ավարտվում քաոսը… մենակով ոչինչ չի ստացվում…չեմ հաղթահարում…»,- մի առիթով գրել է Թամարան:

Ամբողջությամբ՝ armlady.am