Տպել
Ուկրաինական պատերազմի ավարտից հետո շատ բան է փոխվելու, սկսվելու է վերաարժեքավորման, վերաիմաստավորման փուլը, նաեւ խոսակցություններ, թե արդյոք ԵՄ բրենդն իրոք այն էր, ինչը մտածում էին, արդյոք դա ինքնաբավ ու լիարժեք նախագիծ էր, արդյոք եվրոպական սուվերենություն գոյություն ունի։ Այս մասին իր ֆեյսբուքյան էջում գրել է քաղաքագետ Ստեփան Դանիելյանը:
«Միացյալ Եվրոպան հաջողված բրենդ է։ Հիմնական իմաստն այն է, որ Եվրոպայի ժողովուրդները երկարատեւ պատերազմներից հետո կարողացել են գալ համաձայնության’ մարդու իրավունքներ, իրավունքի գերակայություն, հարցերը խաղաղ եղանակով, բանակցությունների միջոց լուծում։ Դա հանգեցրել է խաղաղության, բարեկեցության ու ընդհանուր ստանդների գերակայության, եւ ամենակարեւորը’ միասնական եվրոպական ինքնության։ Կարճ ասած, բազմաթիվ մտածողների ուտոպիստական երազանքները կյանքի են կոչվել։
Արդյունքում բոլոր մերձեվրոպական ազգերը ձգտում են դառնալ եվրոպացի, այսինքն միանալ ԵՄ-ին։
Սա էր վերջին 30 տարվա ուկրաինացիների, վրացիների, անգամ թուրքերիեւ մյուսների նպատակը։ Հիմա փորձենք հասկանալ, թե ինչ կլինի, եթե եվրոպական նախագիծը տապալվի։ Ինչի մասին են երազելու այդ ազգերը, նաեւ արդեն ԵՄ անդամները։ Դա ինքնության կորուստ է նշանակում, դրանից բխող բոլոր ծանր հետեւանքներով։
Ուկրաինական պատերազմի ավարտից հետո շատ բան է փոխվելու, սկսվելու է վերաարժեքավորման, վերաիմաստավորման փուլը, նաեւ խոսակցություններ, թե արդյոք ԵՄ բրենդն իրոք այն էր, ինչը մտածում էին, արդյոք դա ինքնաբավ ու լիարժեք նախագիծ էր, արդյոք եվրոպական սուվերենություն գոյություն ունի։ Այդ ամենը առջեւում է, սակայն պրոցեսը սկսվել է»,- գրել է նա։
