Տպել
NPR-ը հայտնել է, որ TikTok-ի մի զույգ նախկին մոդերատորներ դատի են տվել ByteDance-ին: Հայցվորները պնդում են, որ աշխատելու ընթացքում իրենք ստիպված են եղել դիտել հոգեկան առողջության համար պոտենցիալ վնասակար բովանդակության մեծ քանակություն, իսկ գործատուն անհրաժեշտ օգնություն չի ցուցաբերել և ստորագրել է չբացահայտման պայմանագիր:
Հայցը ներկայացվել է Էշլի Վելեսի և Ռիս Յանգի կողմից, ովքեր մոդերատորում են սոցիալական ցանցը վեց ամսից մի փոքր ավելի: Աշխատակիցներն իրենց գործունեությունն իրականացրել են TikTok-ի գործընկերների՝ համապատասխանաբար կանադական Telus International ընկերության և Նյու Յորքի Atrium-ի միջոցով: Երկու դիմորդներն էլ չինական ByteDance-ին մեղադրում են անփութության և աշխատանքային գործընթացը կազմակերպելու և աշխատակիցների անվտանգությունն ապահովելու անկարողության մեջ։
Հայցվորներն ասացին, որ պետք է տեսագրությունները դիտեն օրական 12 ժամ։ Ողջ հերթափոխի ընթացքում աշխատակիցները հնարավորություն են ունեցել վերցնելու երկու 15 րոպեանոց ընդմիջում: Նշվում է, որ դիտման կարիք ունեցող նյութերից եղել են բռնության, երեխաների ու կենդանիների նկատմամբ դաժան վերաբերմունքի, խոշտանգումների, ատելության հրահրման, անդամահատման և սպանության տեսարաններ։ Միևնույն ժամանակ,՝հայցում ասվում է, որ ByteDance-ը գիտեր, որ նման տեսանյութեր երկար դիտելը ազդում է հոգեկան առողջության վրա, սակայն ընկերությունը պատշաճ օգնություն չի ցուցաբերել աշխատակիցներին և անտեսել է խնդիրը։
Վելեսը նաև ասաց, որ յուրաքանչյուր տեսանյութ դիտելու համար հատկացվել է 25 վայրկյան, և այս ընթացքում անհրաժեշտ է եղել ճիշտ որոշում կայացնել, սակայն ընկերությունը սահմանել է ամենօրյա չափանիշներ, և ամեն ինչ հանգեցրել է նրան, որ մոդերատորները ստիպված են եղել դիտել մի քանի տեսանյութ միաժամանակ։ Աշխատանքային գործընթացի նման կազմակերպումը հանգեցրեց ավելի մեծ հոգնածության ու ուշադրության կորստի, ինչի արդյունքում նվազեց ընդունված որոշումների ճշգրտությունը։
Վելեսը և Յանը նաև ասացին, որ աշխատանքի ընդունվելիս իրենցից պահանջել են չբացահայտման պայմանագիր: Փաստաթղթի համաձայն՝ աշխատակիցները չեն կարողացել իրենց տեսածը քննարկել անգամ ընտանիքի հետ և մնացել են միայնակ տրավմատիկ բովանդակությամբ։
TikTok-ի ներկայացուցիչները հրաժարվել են ամբողջությամբ մեկնաբանել հայցը, սակայն նշել են, որ ընկերությունը ստեղծում է բարենպաստ աշխատանքային միջավայր և վերահսկում է՝ ինչպես ներքին աշխատողների, այնպես էլ՝ հեռավար աշխատողների վիճակը: Պայմանավորվող ընկերությունները պատասխանել են հայցին և ասել, որ ունեն մոդերատորներին հոգեբանական օգնություն ցուցաբերելու հուսալի ծրագիր, ինչպես նաև բժշկական ծառայություններից արտոնյալ հասանելիության ծրագիր։ Դատական հայց ներկայացնելուց հետո Էշլի Վելեսի հետ կապվել է գործատուն, և կեսժամյա զրույցից հետո աղջիկն ասել է, որ ընկերությունն այնքան շատ աշխատակիցներ ունի, որ ինքը ժամանակ չունի բոլորին օգնելու համար։
Սիրարփի Աղաբաբյան
