Հայտնի ապրանքանիշը կվերադառնա սմարթֆոնների շուկա

Կար ժամանակ, երբ HTC-ին անվանում էին Android աշխարհի Apple-ը: Ընկերությունը արտադրել է ամուր, հեղինակավոր և հայտնի սմարթֆոններ։ Կարծես շուտով կտեսնենք լեգենդի վերածնունդը:

Հոլանդական Telefication ընկերությունը հայտնել է, որ ստուգել է HTC 2QBK200 մոդելի համապատասխանությունը ճապոնական օրենսդրության պահանջներին։ Սա նշանակում է, որ նորույթը մինչ հրապարակումը նախապատրաստական ​​վերջին փուլում է, հայտնում են GizChina-ի աղբյուրները։

Թեև նոր սմարթֆոնի մասին քիչ տեղեկություններ կան, հաղորդվում է, որ սա կարող է լինել միջազգային շուկայի առաջատար մոդելը։ Այս դեպքում այն ​​կդառնա ընկերության առաջին ֆլագմանը HTC U12 +-ից հետո, որը թողարկվել է դեռևս 2018 թվականին։

Առաջիկա HTC սմարթֆոնը կենտրոնանալու է ընդլայնված և վիրտուալ իրականության հավելվածների վրա, ինչպես նաև կաջակցի HTC-ի սեփական բաց կոդով մետավերս հարթակի հետ խորը ինտեգրմանը, որը կոչվում է Viveverse:

Հիշեցնենք, որ HTC-ն իր սմարթֆոնների բիզնեսի մեծ մասը վաճառել է Google-ին դեռևս 2018 թվականին և այդ ժամանակից ի վեր թողարկել է միայն բյուջետային և միջին դասի հեռախոսներ, որոնք վաճառվել են սահմանափակ քանակությամբ:

Սիրարփի Աղաբաբյան