Տպել
Հալեպահայ քաղաքագետ, ՀՀ արտգործնախարարության նախկին աշխատակից Սաղաթել Բասիլը Երևանում ամուսնացել է Ռաջնի Ավագյանի հետ: Հալեպում ծնված և փոքր տարիքից հիվանդության հետևանքով տեսողությունից զրկված հալեպահայ երիտասարդը ստացել է քաղաքագետի կրթություն, մասնագիտացել մերձավոր-արեւելյան քաղաքական թեմաներով: Նա հաճախ հանդես է գալիս ելույթներով ու հոդվածներով:
Իր ամուսնության առթիվ Սաղաթել Բասիլը գրառում է կատարել. «Հեռու՝ զորապաշտությունից և զինվորականությունից, հեռու՝ իշխանատիրությունից և սեփականացումից, հեռու՝ կառավարումից և հոխորտանքից, հեռու ավանդույթներից և սովորություններից, հեռու՝ բառերից և հաճոյախոսություններից, հեռու՝ հրավերներից և մատանիներից, հեռու՝ խնճույքներից և հեռու ամեն ինչից, հանդիպեցինք, որոշեցինք և միացանք: Արդյունքը՝ քաղաքացիական ամուսնությունն էր, հիմնված լույսի և սիրո վրա: Պարզապես որոշեցինք մեր ճանապարհը միասին շարունակել»:
