Տպել
Այլևս կարիք չկա որոնել և ստուգել ինֆորմացիան ինքնուրույն։
Հաջորդ տարվանից Google-ը կսկսի օգտատերերին ծանուցումներ ուղարկել, եթե նրանց անձնական տվյալները, ինչպիսիք են հեռախոսահամարը, էլ․ հասցեն կամ տան հասցեն, ներառվեն որոնման արդյունքներում։ Այս նորամուծությունը վերջերս հայտարարված Results About You գործառույթի մի մասն է:
Սեղմելով նման ծանուցման վրա՝ օգտատերը կկարողանա արագ պահանջել տվյալների ջնջում։ Սակայն պետք է հասկանալ, որ այս դեպքում Google-ը տեղեկատվությունը կհեռացնի միայն որոնման արդյունքներից, այլ ոչ այն էջից, որտեղ այն գտնվում է։
Մշակողները նշում են, որ օգտատերերի մեծամասնությանը կարող է անհրաժեշտ չլինել այս տարբերակը մշտական հիմունքներով, սակայն նրանց համար, ովքեր գնահատում են գաղտնիությունը, այս գործիքն անփոխարինելի կլինի: Խոսքը, օրինակ, բարձրաստիճան մենեջերների, ընկերությունների ղեկավարների, պետական կառույցների աշխատակիցների ու շոու-բիզնեսի աստղերի մասին է։
Սիրարփի Աղաբաբյան
