Տպել
WhatsApp մեսենջերը անվտանգ նամակագրության և անձնական տվյալների փոխանցման վատագույն ընտրությունն է: Այս մասին Gazeta.Ru-ին հայտնել են Artezio-ի մասնագետները՝ հիմնվելով հավելվածների գաղտնիության մակարդակի ներքին ուսումնասիրության արդյունքների վրա։
«Ուսումնասիրությունը հայտնաբերել է խոցելիություններ, որոնք երրորդ կողմերին թույլ են տալիս անձնական տվյալներ ստանալ WhatsApp-ի օգտատերերից», – ասվում է վերլուծաբանների հաղորդագրության մեջ:
Telegram մեսենջերը ստացել է 10 միավոր։ «Սակայն, մեսենջերի տվյալների փոխանցման արձանագրության որակի վերաբերյալ բողոքներ կան, Telegram-ը չի կարող համարվել ամենաանվտանգ հավելվածը»,- զգուշացրել են փորձագետները։
Վարկանիշի հեղինակները նշել են, որ մեսենջերների շրջանում նկատվում է մրցակցության աճի միտում՝ բարձրացնելով նամակագրության գաղտնիության որակը։ Artezio-ի մասնագետները եզրակացրել են, որ ծրագրավորողները դանդաղ են իրականացնում այս միջոցառումները՝ օգտատերերին գրավելու համար նոր հնարավորություններ ավելացնելու անհրաժեշտության պատճառով:
