Ստեփանակերտից Երևան տեղափոխված պացիենտի վիճակը միջին ծանրության է

Ստեփանակերտի «Հանրապետական բժշկական կենտրոնից» դեկտեմբերի 19-ին, Կարմիր խաչի ուղեկցությամբ ծանր վիճակում Հայաստան տեղափոխած հիվանդը հոսպիտալացվել է «Նորք–Մարաշ» բժշկական կենտրոնում։

«Նորք-Մարաշ» բժշկական կենտրոնից մեզ հետ զրույցում հայտնեցին, որ 62-ամյա տղամարդու վիճակն այս պահին գնահատվում է միջին ծանրության, կայուն, ստանում է համապատասխան բուժում և պատրաստվում է աորտակորոնար շունտավորման: