Տպել
Արամ Սարգսյանի ֆեյսբուքյան էջից.
«Գիշերվա սարսափելի դեպքից հետո Փաշինյանը երկար-բարակ նկարագրում էր, թե «նախնական տվյալներով»` ինչպես է բռնկվել հրդեհը, ինչպես են զինվորները վառել վառարանը, ինչպես է սպան շշով բենզինը լցրել վառարանի մեջ, և այլն, և այլն։ Թե ուր էր տանում` դժվար չէ կռահել…
Նաև հիշեցրեց, որ ԶՈՒ գլխավոր շտաբի պետի կարգադրությամբ խստիվ արգելվել էր բենզինն ու այլ դյուրավառ հեղուկները վառարանները վառելիս որպես կպչան օգտագործելը։ Ստացվում է, որ ըստ Փաշինյանի` սպան ու զինվորներն են խախտել անվտանգության կանոնները։ «Մեղավորները», կարծես թե, գտնված են։
Բայց Փաշինյանն այդպես էլ չպարզաբանեց, թե ինչո՞ւ է զինվորների վաշտը տեղակայվել մի խղճուկ խրճիթում կամ ինչո՞ւ է նրանց կացարանը 90-ականների վառարանով ջեռուցվում։ Դրանում է՞լ են նախկինները մեղավոր։ Գուցե պարեկների հսկայական աշխատավա՞րձը թույլ չի տալիս մի նոր զորամաս կառուցել երկրի պաշտպանների համար։
Անձամբ ես 10-15 տարի առաջ էսպիսի խայտառակ պայմաններում պահվող զորամաս չեմ տեսել։ Քանի՞ զոհ ունենք միայն վերջին մեկ տարվա ընթացքում Զինված ուժերում` մարտական ու ոչ մարտական պայմաններում։ Մինչև ե՞րբ է էսպես շարունակվելու»։
