Տպել
Google միայն որոնողական համակարգ, Gmail-ը և YouTube-ը չէ: Այս անվան հետ են կապված տասնյակ նախագծեր, որոնք հայտնի են ոչ բոլորին: Ձեզ ենք ներկայացնում Google-ի 5 ծառայություն, որի մասին քչերը գիտեն:
1. Google Authenticator
Ձեր հաշիվների պաշտպանության համար միայն գաղտնաբառերը քիչ են: Այդ իսկ պատճառով սոցիալական ցանցերը և այլ ծառայություններն օգտվում են պաշտպանության հավելյալ մեթոդներից:
Google Authenticator-ն այդ մեթոդներից մեկն է: Ծառայության միջոցով հնարավոր է ստեղծել պաշտպանության լրացուցիչ կոդեր: Եթե դուք վախենում եք ձեր անվտանգության համար, ապա ձեր հաշիվներում օգտագործեք Google Authenticator-ը:
2. Google Alerts
Google Alerts-ը հայտնում է այն նոր հրապարակումների մասին, որտեղ կան օգտատերերի կողմից նշված բառերը կամ արտահայտությունները:
Դուք միաժամանակ կարող եք ընտրել մի քանի պարամետրեր՝ բառերը, արտահայտությունները, աղբյուրը, թեման, լեզուն, և այլն:
Google Alerts-ի օգնությամբ դուք բաց չեք թողնի ձեզ հետաքրքրող նորությունները: Եթե դուք հասարակական գործիչ եք, ապա կարող եք հավաքել տեղեկատվություն հենց ձեր մասին:
3. Google Fonts
Google Fonts-ում վեբ-դիզայներները կարող են գտնել իրենց ցանկացած յուրահատուկ տառատեսակները: Օգտագործելու համար կարող եք բռնել այս տառատեսակները, կամ կցել համապատասխան ծառայությանը:
4. Think with Google
Think with Google ինֆորմացիոն ռեսուրսը ծանոթացնում է այցելուներին տարբեր հարցումների արդյունքներին, հետազոտություններին, տրենդներին, գաղափարներին, ինչպես նաև թվային մարքետինգի գաղտնիքներին:
Իհարկե, այստեղ նյութեր կարող եք գտնել հիմնականում հենց այս ընկերության մասին:
Այս ռեսուրսում դուք կգտնեք պատմություններ ընկերության ներկայացուցիչների մասին և կարող եք կարդալ հարցազրույցներ այլ մեծ ընկերությունների ներկայացուցիչների հետ:
5. Google Primer
Այս հավելվածի միջոցով Google-ը մարքետոլոգներին օգնում է ծանոթանալ նոր մասնագիտական գործիքների և տենդենցների հետ:
Այստեղ կարող եք գտնել նյութեր կոնտենտ-մարքետինգի, անալիտիկայի, համացանցային գովազդի և ռազմավարության մշակման մասին:
Հավելվածի միջոցով կարող եք ոչ միայն ծանոթանալ նյութերին, այլև բեռնել այն ձեր սմարթֆոններ և ուսումնասիրել օֆլայն:
Սիրարփի Աղաբաբյան
