Տպել
Լիա Զախրյանն օրերս ինստագրամյան իր էջում ակնարկում էր նոր երգի ու տեսահոլովակի մասին։ Այսպիսով, այդ օրը եկավ։ Դերասանուհին, վերջապես, ներկայացրել է խոստացված նորությունը։ Երգը կոչվում է «Անհասանելի ա»։ Այն դերասանուհու համար հեղինակել են Եվա Ոսկանյանն ու Ալբերտ Բոյաջյանը։ Տեսահոլովակի ռեժիսորը Վալյա Եղիազարյանն է։
Հոլովակում դերասանուհին բնական վիճակներում է․ նա խոսում է մի թեմայի շուրջ, որը հուզում է շատ աղջիկների․ երբ կյանքումդ, թվում է, թե հայտնվում է այդ մեկը, ու հանկարծ վեճ ու․․․ կապը կորում է։
«Խիստ աղջկական, միանգամից հավես տրամադրություն ա բերում, ու տանում ա էնպիսի կողմեր, ուր ամեն մեկս կյանքում գոնե 1 անգամ հաստատ եղել ենք»,-ֆեյսբուքյան իր էջում անդրադառնալով իր տեսահոլովակին՝ գրել է նա։
Սա, ի դեպ, առաջին դեպքը չէ, որ դերասանուհին երգում է։ Ամիսներ առաջ նա նաեւ ներկայացրել էր Monatik-ի «Сильно» երգի cover տարբերակը։
