Տպել
Ռուսաստանում անհրաժեշտ է խստացնել վերահսկողությունը միգրացիոն իրավիճակի նկատմամբ. այսպիսի հայտարարություն է արել ՌԴ նախագահ Վլադիմիր Պուտինը՝ Ռուսաստանի ՆԳՆ կոլեգիայի նիստի ժամանակ։
«Հաշվի առնելով երկրի զարգացման երկարաժամկետ շահերն ու խնդիրները՝ կարևոր է համակողմանիորեն դիտարկել միգրացիայի խնդիրը, գնահատել, թե հատկապես որ մասնագետները, որ մարզերում և ոլորտներում են հատկապես պահանջված, ինչ իրավասություններ պետք է ունենան»,- ասել է Վլադիմիր Պուտինը։
Ավելի վաղ հայտնի էր դարձել, որ միգրանտների համար կարող են խստացվել Ռուսաստանում գտնվելու պայմանները։
Նման առաջարկի մասին հայտարարել է երկրի ՆԳՆ-ն։
Ավելի ուշ ՌԴ Անվտանգության խորհրդի քարտուղար Նիկոլայ Պատրուշևը հայտարարել է, որ ուժեղացվել է միգրանտների նկատմամբ վերահսկողության գործառույթը։
