Ալավերդիում երեխան փախել է մանկապարտեզից ու խեղդվել Դեբեդում. մանկապարտեզում շոկի մեջ են. armtimes.com
Advertisement 1000 x 90

Ալավերդիում երեխան փախել է մանկապարտեզից ու խեղդվել Դեբեդում. մանկապարտեզում շոկի մեջ են. armtimes.com

Այսօր Լոռու մարզում ողբերգական դեպք է տեղի ունեցել: Առավոտյան 10:00-ի սահմաններում 4-ամյա Ռոբերտ Դալլաքյանն ինքնուրույն դուրս է եկել Ալավերդի քաղաքի Սանահին կայարան թաղամասում գտնվող թիվ 3 մանկապարտեզից:

Ավելի ուշ երեխայի մարմինը հայտնաբերել են Դեբեդ գետում և տեղափոխել Ալավերդի բժշկական կենտրոն: Բժշկական կենտրոնից մեզ հայտնեցին, որ 4-ամյա Ռոբերտն իրենց մոտ տեղափոխվել է մահացած վիճակում: Մանկապարտեզում որևէ մեկի հետ խոսել չի հաջողվում:

Ալավերդու քաղաքապետի տեղակալ Արթուր Վարոսյանը մեզ հետ զրույցում հայտնեց, որ այնտեղ բոլորը շոկի մեջ են. «Ոստիկանությունը՝ քաղաքի ոստիկանապետի գլխավորությամբ, գտնվում է Սանահին կայարանում: Այլ մանրամասներ այս պահին չենք կարող ասել, որովհետև հետաքննություն է ընթանում, կավարտվի, բոլոր հարցերի պատասխանը կտան»,- եզրափակեց փոխքաղաքապետը:

Մանրամասները կներկայացնենք ավելի ուշ: