Տպել
Google տեխնոլոգիական ընկերության հիմնադիրներ Սերգեյ Բրինն ու Լարի Փեյջը վաստակել են ավելի քան 18 միլիարդ դոլար այն բանից հետո, երբ կորպորացիան ներկայացրել է նորացված որոնողական համակարգը և արհեստական ինտելեկտի տարրերով այլ նախագծեր: Այս մասին հայտնում է Bloomberg-ը։
Ըստ Bloomberg Billionaires Index-ի՝ Լարի Փեյջի կարողությունն այս շաբաթ աճել է 9,4 միլիարդ դոլարով՝ հասնելով մինչև 106,9 միլիարդ դոլար, մինչդեռ Սերգեյ Բրինի կարողությունը աճել է 8,9 միլիարդ դոլարով՝ հասնելով մինչև 102,1 միլիարդ դոլար: Սա ՏՏ միլիարդատիրոջ զուտ ունեցվածքի ամենամեծ շաբաթական աճն է 2021 թվականի փետրվարից ի վեր, ավելացրել է գործակալությունը:
Նշվում է, որ Փեյջն ու Բրինն օգնում են զարգացնել արհեստական ինտելեկտը և ավելի շատ են ներգրավված ընկերությունում, քան նախորդ տարիներին՝ ղեկավար պաշտոնները թողնելուց հետո։ Նրանք ներկայումս զբաղեցնում են աշխարհի ամենահարուստ մարդկանց ցուցակի ութերորդը և իններորդը:
Միջոցառման ժամանակ Google-ը պաշտոնապես հայտարարեց, որ սկսելու է AI տարրեր ներմուծել որոնման համակարգ և ավելի հասանելի դարձնել AI-ի վրա հիմնված իր չաթբոտը։ Ինչպես նշում է Bloomberg-ը, կորպորացիան վճռական է պահպանել իր առաջատարությունը ChatGPT-ի և Microsoft-ի նախագծերի շնորհիվ աճող մրցակցության պայմաններում:
