Տպել
Շանհայում Gucci Cosmos ցուցահանդեսին աջակցելու համար նորաձեւության տունը ներկայացրել է Marsper չինական վիրտուալ կերպարներով հավաքված արձանիկների հավաքածուն: Դրանք թողարկվել են սահմանափակ քանակությամբ։ Այս մասին հայտնում է WWD-ն։
Տիկնիկները «փորձել են» Gucci-ի չորս արխիվային լուքեր։ Դրանցից երկուսը Թոմ Ֆորդի հեղինակային Gucci-ի 1996 թվականի աշնանային հավաքածուից են՝ կարմիր թավշյա կոստյումով (կրում էր Գվինեթ Փելթրոուն) եւ մանր զոլերով կոստյումով։
Մյուս երկու հանդերձանքները վերաբերում են Ալեսանդրո Միքելեի դարաշրջանին: Առաջինը ցուցադրվել է Gucci-ի տղամարդկանց հագուստի ցուցադրությանը 2015 թվականի աշնանը, որն առաջինն էր Միքելեի համար որպես ստեղծագործական տնօրեն, իսկ վերջին տիկնիկի մոնոգրամով թիկնոցը Gucci Aria-ի ցուցադրությունից է։
Յուրաքանչյուր 30 սմ տիկնիկ լրացվում է GG մոնոգրամով Gucci Savoy ճամպրուկով, որը հարգանքի տուրք է «երեւակայական ճանապարհորդությանը», որին մեկնել են Gucci-ն եւ Marsper-ը:
Gucci-Marsper համագործակցությունն առաջին անգամ ներկայացվել է երեք տարի առաջ՝ ապրանքանիշի ակտիվ թվային փորձարկումների ժամանակ: Չինական շուկայի համար բրենդի Սուրբ Ծննդյան արշավի շրջանակներում երեք Marsper տիկնիկ եղել են Gucci Aria կերպարներում։
