Ինչի՞ց է մահացել հայ երիտասարդը Շվեդիայում. նախնական տվյալները հայտնի են

«Իրավունք»-ն անդրադարձել է Շվեդիայում ոստիկանների անգործության պատճառով մահացած 32 տարեկան Դավթի Բարսեղյանի դեպքին: Գրել էինք, որ տուժողի հարազատները  սպասում են Դավիթ Բարսեղյանի դիակի  դատաբժշկական փորձաքննության արդյունքներին, ոստիկանության ներքին քննությանն ու դատախազության հարուցած քրեական գործի  ավարտին: «Իրավունք»-ին տեղեկություններով` առաջիկայում Դավիթ Բարսեղյանի մարմինը կտեղափոխեն Հայաստան: Դիակի դատաբժշկական փորձաքննությունն նախնական  տվյալների համաձայն` գլխի արյան զեղում է գրանցվել եւ ուժ չի կիրառվել Դավիթ Բարսեղյանի հանդեպ: Դատաբժշկական փորձաքննության արձանագրության մեջ, սակայն, գրված է`մահվան պատճառը դեռ պարզ չէ: «Իրավունք»-ին հայտնի է դարձել նաեւ, որ ըստ ոստիկանների ցուցմունքների,Դավիթ Բարսեղյանն իրեն լավ է զգացել: 5 րոպե հաճախականությամբ ոստիկանները խցում հետեւել  են Դավիթ Բարսեղյանին: Վերջին դիտարկումից 2  հոգով  2 րոպե հետո վերադառնում են Դավիթ Բարսեղյանի խուց, որ հարցնեն` որ լեզվով թարգմանիչ տան  նրան, բայց հայտնաբերում են Դ. Բարսեղյանին մահացած: Այսինքն`  ըստ ոստիկանների ցուցմունքների, մահն արձանագրվել է երկու րոպեի ընթացքում: Պաշտոնական տեղեկությունը, սակայն, տարօրինակ է, քանի որ պարզ չէ`ինչ է իրականում  եղել մեր հայրենակցի խցում: