Տպել
iFixit-ի վերանորոգման մասնագետները քանդել են M3 պրոցեսորով աշխատող նոր 14 դյույմանոց Apple MacBook Pro-ն և դժգոհություն հայտնել դրա վերանորոգելիության մասին։ Ընկերության հրապարակած տեսագրությունում առանձնացվել են ինչպես դրական, այնպես էլ բացասական կողմերը։
iFixit-ը մասնագետները նշել են սարքը քանդելու սխեմայի պարզությունը՝ գովաբանելով արտադրողին սարքի «ներսին» հեշտությամբ հասանելիություն ստանալու համար: Այնուամենայնիվ, նրանք ընկերությանը քննադատել են այն բանի համար, թե ինչպես են օպերատիվ հիշողության և SSD մոդուլները ուղղակիորեն զոդված մայր պլատային՝ անհնարին դարձնելով այդ բաղադրիչների փոխարինումը կամ հզորացումը: Տարբեր ինտերֆեյսներ, ինչպիսիք են USB-C-ը, MagSafe-ը և Touch ID-ը, հեշտ են անջատվում, սակայն յուրաքանչյուր մաս պահանջում է նույնականացում Apple-ից, հակառակ դեպքում օպերացիոն համակարգում դա կհամարվի սխալ, ինչը կարող է խնդիր լինել շատ օգտատերերի համար:
Բացի դրանից, նշվել է, որ շատ դեպքերում վերանորոգումը պահանջում է MacBook-ի հետագա կարգավորում՝ օգտագործելով Apple-ի հատուկ ծրագրակազմ, հակառակ դեպքում սարքը, ամենայն հավանականությամբ, ճիշտ չի աշխատի: Եվ սա լրացուցիչ բարդություն է: Ավելին, այս սահմանափակումը վերաբերում է նույնիսկ աննշան սպասարկման դեպքերին, ինչպիսիք են ծխնիի սենսորի կամ էկրանի փոխարինումը:
Բոլոր հայտնաբերված սահմանափակումները հաշվի առնելով՝ iFixit-ը M3 պրոցեսորով MacBook Pro-ի վերանորոգելիությունը գնահատել է ընդամենը չորս միավոր՝ 10 հնարավորից:
