Տպել
Հայաստանի շախմատի հավաքականի նախկին ավագ Լևոն Արոնյանը հաղթել է «American Cup 2024» մրցաշարում, որն անցկացվում է Սենտ Լուիսում: Սուպերեզրափակչում նա մրցել է ամերիկացի Ուեսլի Սոյի հետ և առավելության հասել 2,5:1,5 հաշվով։
Շախմատիստը հաղթանակից հետո գրառում է արել ֆեյսբուքյան էջում։
«Շատ ուրախ եմ «American Cup 2024»-ում հաղթելու համար։ Հոգնած եմ, բայց շատ գոհ»,- գրել է Արոնյանը:
Նա շնորհակալություն է հայտնել իր աջակիցներին։
Շախմատիստի կինը՝ Անիտա Արոնյանն ինստագրամյան իր էջում հրապարակել է ամուսնու հետ համատեղ լուսանկարներ՝ շնորհավորելով նրան:
«Իմ Լևոն Արոնյանը հաղթում է «American Cup 2024» մրցաշարում՝ ոչ մի պարտություն չկրելով: Շնորհակալ եմ, որ ինձ դարձրիր աշխարհի ամենաերջանիկ կինը»,- գրել է նա:
