Տպել
Ավստրալիայի Նոր Հարավային Ուելսի ռեստորաններից մեկի մատուցողուհի Սամիա Լիլան սոցցանցերի աստղ է դարձել այն բանից հետո, երբ վարանին պոչից բռնած դուրս է քաշել հաստատությունից, տեղեկացնում է Bega District News նորությունների տեղական պորտալին:
Անցած հանգստյան օրերին ռեստորանի այցելուները տեսել են հատակին սողացող մի մեծ մողես: Այնուհետև սողունը մտել է սեղաններից մեկի տակ:
«Ես նայեցի դրան և նախ կարծեցի, թե դա շուն է: Բայց հետո հասկացա, որ վարան է»,- պատմել է Սամիա Լիլան:
Աղջիկն իրեն չի կորցրել, բռնել է մողեսի պոչից և դուրս քաշել դեպի ելքը: Ըստ որում այցելուներից մեկը վախից նույնիսկ աթոռի վրա է բարձրացել:
«Ես չվախեցա, սիրում եմ սողուններին… »,- պատմել է Սամիա Լիլան:
Աղջիկը Ֆրանսիայից Ավստրալիա է եկել նոյեմբերին և պատրաստվում է այս ամռանը շարունակել ճանապարհորդությունը:
Անվախ մատուցողուհուն պատկերող տեսահոլովակը ռեստորանի՝ Facebook-ի Էջում է հայտնվել փետրվարի 19-ին և փետրվարի 21-ի առավոտյան արձանագրել է 280 հազար դիտում:
