Հաստատվել է օտարերկրյա բուհերում ասպիրանտուրայի ընդունելության քննությունների ժամանակացույցը

Հաստատվել է միջպետական ծրագրերով օտարերկրյա բարձրագույն ուսումնական հաստատություններում 2017-2018 ուսումնական տարում ասպիրանտուրայի ընդունելության քննությունների ժամանակացույցը: Այս մասին տեղեկացրին ՀՀ կրթության և գիտության նախարարության հասարակայնության հետ կապերի և տեղեկատվության վարչությունից:

Համաձայն հաստատված ժամանակացույցի՝ քննությունները տեղի կունենան ըստ հետևյալ գրաֆիկի. մարտի 14-ին, ժամը 11:00-ին՝ Երևանի Խ. Դաշտենցի անվան  թիվ  114  ավագ դպրոցում կկազմակերպվեն միջազգային առևտուր, մշակութաբանություն, արաբագիտություն, լրագրություն, միջուկային ֆիզիկա, քաղաքագիտություն մասնագիտությունների քննությունները,  մարտի 15-ին,  ժամը 11:00-ին  Ճարտարապետության և շինարարության Հայաստանի ազգային համալսարանում՝ ճարտարապետություն,  արդյունաբերական և քաղաքացիական շինարարություն մասնագիտությունների քննությունները, իսկ մարտի 15-ին,  ժամը 14:00-ին  Կինոյի և թատրոնի պետական ինստիտուտի գիտական մասնաշենքում՝ ռեժիսուրա մասնագիտության քննությունը: