Փախչող զարթուցիչ, տաքացվող ձեռնոցներ և տպագրական սարք պլանշետների համար. Հետաքրքիր գադջետներ ամբողջ աշխարհից

Բացի սովորական գադջետներից՝ աշխարհում ստեղծվում են մի շարք տարօրինակ և հետաքրքիր գադջետներ, որոնք կզարմացնեն ձեզ իրենց յուրահատկությամբ և օգտակարությամբ: Ձեզ ենք ներկայացնում մի քանի հետաքրքիր գադջետներ:

Փախչող զարթուցիչ

Եթե սովորական զարթուցիչը չի կարողանում արթնացնել ձեզ, ապա Clocky զարթուցիչը հենց ձեզ համար է: Ձեր կարգավորած ժամին զարթուցիչը ոչ միայն ազդանշան կտա, այլևս կսկսի շատ արագ շարժվել: Ազդանշանն անջատելու համար պետք է հասցնել բռնել փախչող զարթուցիչը: Այս միջոցով դուք ոչ միայն կարթնանաք, այլև առավոտյան նախավարժանք կանեք:

Այս սարքավորումն աշխատում է 4 մարտկոցներով և այնպիսի կառուցվածք ունի, որ չի վնասվի անգամ պահարանից ընկնելու դեպքում:

Այս գադջետը կարող եք ձեռք բերել առավելագույնն 80 դոլարով:

Տաքացվող ձեռնոցներ

Ցրտաշունչ ձմռանը շատերն ունեն ձեռքերը տաքացնելու խնդիր: Երբեմն այնքան  ցուրտ է լինում, որ անգամ ձեռնոցը չի օգնում: Բրիտանական Blazewear ընկերությունը լուծել է այս խնդիրը: Ընկերությունը ստեղծել է տաքացվող ձեռնոցներ, որոնք աշխատում են կամ մարտկոցով, կամ USB միացմամբ: Այս ձեռնոցներն  արժեն առավելագույնը 17 դոլար: Դրանք ձեռք բերել կարող եք գրեթե բոլոր երկրներից:

Ինտերնետ կապի մեդիափլեյեր

Ինտերնետ կապի մեդիափլեյերը գադջետ է, որի միջոցով համացանցի ցանկացած տեղեկատվություն կարող եք տեսնել հեռուստացույցի էկրանին: Այն շատ փոքր է՝ 127х87х30 մմ: Այս սարքի առավելությունն այն է, որ այն կարող է միանալ նոր սերնդի ցանկացած տեսակի հեռուստացույցի: Կարող եք հեռուստացույցին միացնել նաև ստեղնաշար և մկնիկ և վերածել այն համակարգչի:

Այս գադջետի միջոցով կարող եք դիտել բոլոր հաղորդումները համացանցում, ինչպես նաև՝ հետևել IPTV ալիքների հեռուստաեթերներին:

Այս գադջետը կարող եք գնել առավելագույնը 65 դոլարով:

Տպագրական սարք  պլանշետների համար

Ռետրո ոճի գադջետների սիրահարների համար ստեղծվել է USBTypewriter տպագրական սարքը:

Սա դասական գրամեքենա է, պարզապես թղթի հատվածում կա շրջանակ, որտեղ  պետք է հարմարեցնել պլանշետը: Պլանշետը գրամեքենային է միանում USB-ի միջոցով:

Այս սարքավորումն արժե 850 դոլար և առկա է շատ փոքր քանակով:

Սուլոցին արձագանքող կախազարդ

Որպեսզի բանալիները չկորչեն, կարելի է դրանց վրա կախել սուլոցին արձագանքող կախազարդ: Լսելով սուլոցը՝ այս գադջետը ձայնային ազդանշան է միացնում, ինչն օգնում է հեշտությամբ գտնել բանալիները:

Սիրարփի Աղաբաբյան