«Նիկոլը կայացած աստղ է, եթե միայն ձայնով լիներ, էշից լավ երգիչ չէր լինի». Եղիշե Պետրոսյանը՝ Փաշինյանի երգելու մասին. aravot.am

«Ելք» դաշինքի պատգամավոր, Երևանի քաղաքապետի թեկնածու Նիկոլ Փաշինյանի՝ Երևանի հիմնը երգելը սոցցանցերում լայն քննարկումների տեղիք տվեց: Արմեն Աշոտյանն ասաց, որ ֆալշ է երգում, մեկնաբանություն եղավ, որ Նիկոլ Փաշինյանը քշում է Երևանի ագռավներին: Երգը ձայնագրվել է «Արձագանք» ստուդիայում:

Այս առնչությամբ Aravot.am-ը «Արձագանք» խմբի հիմնադիր, երգահան Եղիշե Պետրոսյանին հարցրեց՝ ինչպե՞ս եք Դուք գնահատում Նիկոլ Փաշինյանի երգը, իսկապե՞ս այդքան վատ երգեց, ձայնային տվյալներ ընդհանրապես չունի՞:

Նա պատասխանեց. «Երգելը, դա առաջին հերթին հոգեվիճակ է: Եթե միայն ձայնով լիներ, էշից լավ երգիչ չէր լինի: Կարևորը՝ մարդը նվիրումով է երգում, իսկ ուղղումները մենք սիրով արել ենք և արդեն շատ լավ հնչում է և երգը ստացվել է»:

Ինչ վերաբերում է ագռավ քշելուն՝ Եղիշե Պետրոսյանն ասաց. «Այնքան ագռավ քշող եմ տեսել իմ կյանքում, որ արդեն սոխակ են դարձել ու, նաև, վաստակավորներ են: Հետո, կարծեմ, Նիկոլը չի հավակնում երգչի տիտղոսին: Նա ակտիվ քաղաքական գործիչ է, որը նաև փորձեց երգել: Շատ են այնպիսիները, որոնք ոչ գործիչ են, ոչ երգում են, անգամ չեն էլ խոսում, կնոպկա սեղմելուց էլ մեկ-մեկ փուստ են անում: Իսկ ագռավներին պետք է քաղաքից քշել՝ քաղաքը մաքուր պահելով»:

Ամբողջությամբ՝  aravot.am