Տպել
ԱՄՆ-ի Virgin Galactic ընկերությունը կատարելէ Unity մոդելի SpaceShipTwo ենթաուղեծրային տիեզերանավի հերթական փորձարկումը: Այս մասին հաղորդվում է ընկերության կայքում: Թեստերի ընթացքում SpaceShipTwo-ն թռիչք է կատարել Կալիֆոռնիայի նահանգի Մոհավե անապատի երկնքում: Փորձարկումներն ավարտվել են տիեզերանավի փափուկ վայրէջքով: Վերջին փորձարկումները դարձել են Unity տիեզերանավի իններորդ թռիչքը: SpaceShipTwo տիեզերանավը մշակում է Virgin Galactic ընիկերությունը ենթաուղեծրային տուրիստական թռիչքների համար (հարյուր կիլոմետրից բարձր): Բազմակի օգտագործման ապարատի մեկնարկն իրականացվում է WhiteKnightTwo տանող հրթիռի միջոցով, որից Unity-ն այնուհետև անջատվում է և ինքնուրույն վայրէջք կատարում:
Unity-ն, որը ներկայացվել է 2016-ի փետրվարին, Enterprise մոդելի հերթական լրամշակումն է, որը 2014 թվականի հոկտեմբերին թեստային թռիչքի ընթացքում կործանվեց Մոհավեի երկնքում: Վթարի պատճառն օդաչուի սխալն էր, ինչի առնչությամբ Unity-ի կառավարման որոշ գործառույթներ, Enterprise-ի համեմատությամբ, ավտոմատացված են:
