Տպել
ՀՀ արտակարգ իրավիճակների նախարարությունը հունիսի 4-ին, ժամը 12:47-ին ահազանգ է ստացել, որ Երևան քաղաքի Արցախի պողոտայի թիվ 69/1 հասցեում գտնվող գրասենյակում օձ է նկատվել. որին բռնելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները հայտնաբերել են իժ տեսակի օձ և տեղափոխել անվտանգ տարածք:
Ինչպես տեղեկացանք ՀՀ արտակարգ իրավիճակների նախարարության (ոստիկանության) պաշտոնական կայքից, հունիսի 4-ին, ժամը 11:33-ին ահազանգ է ստացվել, որ Կոտայքի մարզի Զովունի գյուղի 1-ին փողոցի տներից մեկի բակում նկատվել է օձ, որին անվտանգ տարածք տեղափոխելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները հայտնաբերել են լորտու տեսակի սողուն և տեղափոխել անվտանգ տարածք:
Հունիսի 4-ին, ժամը 11:31-ին ահազանգ է ստացվել, որ Շիրակի մարզի Գյումրի քաղաքի Շահումյան փողոցի տներից մեկի բակում նկատվել է օձ, որին բռնելու համար անհրաժեշտ է փրկարարների օգնությունը։
Դեպքի վայր է մեկնել մեկ մարտական հաշվարկ:
Փրկարարները հայտնաբերել են լորտու տեսակի սողուն և տեղափոխել անվտանգ տարածք:
