Տպել
IBM սուպերհամակարգիչը պարզել է Սիլիկոնային հովտի «ամենազգուշավոր» ղեկավարին, հայտնում է СNBC-ն՝ վկայակոչելով Paysa պորտալի հետազոտությանը, որը տեղեկություններ է հավաքում աշխատավարձերի և թափուր աշխատատեղերի մասին:
Եվ այսպես, «ամենազգուշավոր» ղեկավարը SpaceX և Tesla ընկերությունների ղեկավար Իլոն Մասկն է, որը հունիսի 28-ին դարձավ 46 տարեկան:
«Ամենաանզգույշ» ղեկավարը, հետազոտողների կարծիքով, Facebook սոցցանցի ղեկավար Մարկ Ցուկերբերգն է:
Առաջինը, ինչը ծագում է մեր գլխում, երբ մտածում ենք հաջողակ գործարարին բնորոշ որակների մասին, ակնհայտորեն «զգուշավորությունը» չէ, նշում է պարբերականը:
Այդուհանդերձ, դա գլխավոր որակներից մեկն է, որն անհրաժեշտ է տեխնոլոգիաների շուկայի ղեկավարներին, վկայում են հետազոտության տվյալները: Paysa-ում օգտվել են IBM Watson սուպերհամակարգչից, որպեսզի ընտրեն Սիլիկոնային հովտի և ԱՄՆ-ի 11 ամենազգուշավոր տեխնոլոգիական ղեկավարներին՝ նրանց դասակարգելով 0-ից (առավել զգուշավոր) մինչև 1.0 սանդղակով (առավել զգուշավոր):
Այսպես, Մասկը ստացել է 0.96 գործակից ու հայտնվել առաջին տեղում: Մոտ արդյունք է վաստակել Cisco-ի գլխավոր տնօրեն Չակ Ռոբինսը (0.95):
Microsoft-ի ղեկավար Սաթյա Նադելլան ու Լարրի Էլիսոնը Oracle-ից հայտնվել են համապատասխանաբար երրորդ և չորրորդ հորիզոնականում 0.91 գործակցով:
