Ողբերգություն Մոսկվա-Երևան չվերթի օդանավում. Ուղևորուհին մահացել է. նոր մանրամասներ. news.am
Advertisement 1000 x 90

Ողբերգություն Մոսկվա-Երևան չվերթի օդանավում. Ուղևորուհին մահացել է. նոր մանրամասներ. news.am

Մոսկվա-Երևան չվերթն իրականացվող օդանավը հուլիսի 16-ին Վոլգոգրադի օդանավակայանում հարկադրված վայրէջք է կատարել. Nordwind Airlines ավիաընկերության օդանավի ուղևորուհին մահացել է: Այս մասին NEWS.am-ի թղթակցի հետ զրույցում նշել է Քաղաքացիական ավիացիայի գլխավոր վարչության մամուլի քարտուղար Սաթենիկ Հովհաննիսյանը:

Նրա խոսքով, օդանավում գտնվող 81-ամյա կնոջ ինքնազգացողությունը վատացել է, որը ավելի ուշ հիվանդանոցի ճանապարհին մահացել է:

«Օդանավը վայրէջք կատարեց ժամը 18.19-ին: «Շտապօգնությունը» կնոջը վերցրել է հենց շարժասանդուղքի վրայից: Ժամը 20.28-ին օդանավը շարունակել է ճանապարհը դեպի Երևան»,  – նշել է Վոլգոգրադի օդանավի մամուլի ծառայության ղեկավար Յարոսլավ Զիմինը:

Նշենք, որ թոշակառու կնոջ հետ հիվանդանոց են գնացել նաև հարազատները: