Տպել
Երևանի նախկին փոխոստիկանապետ Ռոբերտ Մելքոնյանը ֆեյսբուքյան իր էջում գրում է. «Մեր երկրի հարևանները՝ հատկապես Ադրբեջանը, վախեցած են ՀՀ անկախության 25-րդ տարեդարձի կապակցությամբ կայացած զորահանդեսի ժամանակ «Իսկանդեր» օպերատիվ-տակտիկական հրթիռային, «Տոչկա Ու», «Սմերչ» և մյուս համակարգերի ցուցադրությունից: Եվ նրանց լրատվամիջոցները հեղեղված են նման մտահոգություններով:
Դե ինչպես չվախենան՝ նավթահորեր, նավթատարներ, գազատարներ, այլ կենսական նշանակության օբյեկտներ…
Լավ, «Իսկանդերներին», մյուս համակարգերին թողենք: Թեկուզ միայն ադրբեջանցիները պատկերացնեն, որ Մինգեչաուրի, Ղազախի, Ջողազի, Սարսանդի ջրամբարների ջրերը միանգամից՝ միասին հեղեղեն Ադրբեջանի այդ հովտային տարածքները, դա էլ հերիք է: Դե նրանք հավանաբար հասկանում են այդ ամենը և վախենում ու փաստորեն նման հանգամանքները, զորահանդեսները գուցե նաև խաղաղությո՞ւն են պարտադրում Ադրբեջանին…»:
